Alka Vujica o odnosu sa Bajagom: Otkrila koju pjesmu je napisala dok je bila sa njim

28.11.2022. | 18:52

Pjevačica i bivša voditeljka Alka Vuica nije često u medijima, pa kad god je na malim ekranima, privlači pažnju javnosti.

Ovoga puta, umjetnica iz Hrvatske govorila je o svojoj karijeri, ali i o ljubavima sa poznatima.

“Pjevačica sam postala slučajno, jer su nastajale neke pjesme koje su bile vrlo lične, kao ‘Winnetou’. Tu mi je mnogo pomogao Dino Dvornik, napravio je produkciju za pjesmu ‘Laži me’, odsvirao sve instrumente”, rekla je Alka.

Ona je bila velika ljubav Gorana Bregovića, ali i Momčila Bajagića Bajage zbog koga je napisala i jednu od najlepših ljubavnih pesama na ovim prostorima.

“Bili smo mladi, pisali smo pjesme jedni drugima, bilo je tu ljubavi, neke pjesme su postale stvarno veliki hitovi. Meni je nepristojno, šta da govorim ko je meni šta napisao. Ja vam mogu otkriti šta sam ja Bajagi napisala. Napisala sam ih više, ali jedna od pjesama koja je nastala iz naše ljubavi je ‘Gdje Dunav ljubi nebo’. Mi smo u odličnim odnosima, Goran mi je veliki prijatelj, Momo isto, čujemo se, vidimo se kad možemo. Savjetujemo se oko pjesama, jako sam srećna što sam ljude koje sam voljela zadržala u životu, jer smatram da je ljubav energija koja ne nestaje, već se pretvara u nešto drugo. Možda zaljubljenost može nestati, ali prava ljubav ne, ona ostaje uvijek”, rekla je ona.

Alka je ispričala da je u nju bio zaljubljen i Boris Novković, sa kojim je kasnije postala veliki prijatelj i saradnik.

“Pisala sam mu mnogo pjesama koje su veliki hitovi. Znam ga otkad je imao 8 ili 9 godina, a ja sam imala 18. Jednom prilikom je ispričao da se zaljubio u mene kad me je upoznao, ja sam tada bila sa Adijem iz ‘Srbrnih krila’ i ljetovali smo zajedno sa Đorđem, ja sam čuvala Borisa, bio je presladak. Kad je stasao, došao je kod mene da mu napišem tekstove, bila sam oduševljena”, ispričala je Vuica za “Premijeru”.