Ljuba Perućica nasmijao izjavom o romansi sa Prijom: Da sam nju oženio ne bih morao malterisati
11.09.2024. | 17:16Iako je Ljuba Perućica danas oženjen, u medijima se često provlači njegova ljubavna romansa sa Aleksandrom Prijović.
O njihovoj relaciji šuškalo se godinama nakon raskida, a pjevač je nedavno u Grandovoj emisiji stavio do znanja u kakvom su odnosu i to na šaljiv način.
Naime, snimak Ljube Perućice i njegove supruge Katarine na kome se vidi kako malterišu postao je viralan te se Ljuba sa voditeljem Sinišom Medićem našalio na svoj račun.
–Našao sam ženu ne ono kao što kažu tri u jedan, ma ona je sto u jedan! Ona sve zna i ništa joj nije teško. Niko se nije rodio naučen ali ona uživa da uči. Eto sada smo zajedno malterisali i nije nam ništa falilo– ispričao je Ljuba ponosno, a voditelj je dobacio:
-Ali Ljubo tebi je onda dobro došlo što nisi oženio Prijovićku (smijeh)!
-Ihh (smokeh). Da sam nju oženio sad ne bih morao da malterišem! (smijeh) Šalim se naravno, ma ne bi ni Kaća i ja sad malterisali sada da nas nisu majstori ispalili mnogo puta-nasmijao je Ljuba sve.
Podsjetimo, kada je osvanuo tekst da Ljuba i Aleksandra Prijović više nisu u dobrim odnosima, pjevač se oglasio i stavio tačku na neistinite navode.
– Nadam se da su ljudi odavno shvatili da su takvi tekstovi i priče navodno iz nekog izmišljenog izvora i iz nečije bujne mašte. Aleksandra i ja smo u super odnosima, uvijek se ispričamo kad se vidimo, najnormalnije uostalom kao i sa svim koleginicama. Nikada nismo imali problem– poručio je Perućica.
