Ljubavna priča Sare Džesike Parker pomjera sve granice: Zovite me ludom, ali volim ga
10.09.2024. | 19:35Ljubavna priča Sare Džesike Parker i Metjua Broderika je još jedna u nizu koja na prvi pogled izgleda savršeno, ali ipak, skandali nisu uspjeli da ih zaobiđu.
Sara Džesika Parker i Metju Broderik su se upoznali još dok je glumica bila u vezi sa Robertom Daunijem Džuniorom. Popularna Keri Bredšo je tu vezu okončala zbog njegovih poroka i ubrzo nakon toga otpočela romansu sa Broderikom.
Početkom devedesetih, Sarina braća Tobi i Pipin su osnovali jednu malu pozorišnu kompaniju u koju je bio uključen i Metju Broderik. Tada je primjetio Saru.
“Metju i ja dolazimo sa različitih mjesta i iz različitih vremena. Kad smo bili mladi jedino što smo željeli jeste da budemo dobri glumci. Nismo mislili o slavi i novcu jer novac, iskreno, nikada nije bio dio sna. Jedino važno je bilo da igramo u pozorištu”, rekla je glumica za Harpers Bazar 2013. godine.
“Ostavio je šarmantnu poruku sekretarici na telefonu, znate, zdravo, ja sam Metju Broderik, morao je da iskoristi svoje prezime”, rekla je ona.
“Sjećam se kad sam je prvi put vidio… Još uvijek se jasno sjećam kako silazi niz stepenice. To je jedinstveno jer ja se uglavnom ne sjećam ljudi koji prolaze ulicom, ali nju pamtim kao da je bilo danas”, rekao je Broderik za Е! Onlajn. Nakon toga, glumica nije krila emocije prema njemu, a zajedno su se pojavili i na dodjeli Oskara 1993. godine.
“On je sjajan, tako zgodan, mislim da je on najzgodniji muškarac kog sam vidjela u svom životu. On me inspiriše, luda sam za njim”, rekla je Sara.
Nisu željeli tradicionalno vjenčanje
Sara i Metju su se vjenčali 1997. godine, pozvali su svojih 100 gostiju u sinagogu na Lover Еast Side-u, a Sara se odabirom crne haljine umjesto venčanice ponovo potrudila da razbije normu tradicionalnog vjenčanja.
Svoje prvo dijete su dobili nakon pet godina braka, a 2009. godine, zahvaljujući surogat majci, i blizance.
