Nakon vjenčanja Anđelka Prpić donijela važnu odluku: Odlučila se za promjenu

11.09.2023. | 07:44

Anđelka Prpić iznenadila je javnost kada se saznalo da se udala u tajnosti. Kako bi sve bilo neobično i spontano, glumica i njen partner, Marko Žugić napravili su svadbeno veselje u jednom restoranu na pijaci.

Detalje sa svadbe nije postavljala u sklopu Insta storija, ali njena koleginica Anja Mandić objavila je kako je prisustvovala vjenčanju. Takođe, na istom su bili i Marija Kilibarda i voditelj Slavko Beleslin.

Na Anđelkinom Instagram profilu, može se vidjeti da je sada došlo do promjena u njenom prezimenu. Uprkos razvodu od Daria Prpića, glumica se sve vrijeme predstavljala pod njegovim prezimenom, ali više nije tako.

Anđelka Stević Žugić – tako stoji u informacijama na nalogu koji prati gotovo 400 hiljada ljudi.

Podsjetimo, Marko Žugić je bio bliski prijatelj Anđelkinom bivšem mužu Dariu Prpiću, o čemu su mediji naširoko pisali. Glumica i njen partner, nedavno su dobili kćerku kojoj su dali ime Čarna.