Od pjevanja trenutno nema hljeba: Indira “zasukala rukave” i posvetila se novom biznisu
15.04.2021. | 21:34Bivša pjevačica grupe Kolonija, Indira Levak u nekoliko navrata javno je isticala da muzičarima treba pomoć tokom pandemije. Međutim, ona je riješila da “zasuče rukave” i posveti se biznisu koji počinje da razvija sa svojim suprugom.
Indira neće odustati od svoje najveće ljubavi – pjevanja, ali je shvatila da je neizvjesno kada će joj muzika ponovo donositi prihode i odlučila je da zaradi na drugi način.
Naime, ona je sa suprugom Mioslavom investirala u apartamane u Istri, ali počela i da se bavi proizvodnjom namještaja, a sada planira i da otvori i bar na plaži.
“Od muzike ne odustajem, to je moj život, ali naravno da radim i druge stvari. Moj preduzetnički duh ne miruje, aktivna sam paralelno na više frontova. U Fažani suprug i ja imamo apartmane koje trenutno pripremamo za sezonu. Bavim se enterijerima, dizajniranjem, te proizvodnjom namještaja. Stalno imam i nove ideje kako osvježiti prostore“, istakla je pjevačica za Večernji list.
