Slavici je bivši muž mislio oduzeti kćerku: Sad se pomirili, odmah dobila na poklon stan

26.06.2024. | 10:18

Pjevačica Slavica Ćukteraš nakon pet godina braka se razvela od fudbalera Vladimira Avramova 2019. godine, sa kojim ima ćerku.

Ona je sada otkrila da su pronašli “zajednički jezik” i riješili borbu za starateljstvo.

– Posložio je gospod Bog, a i moj bivši muž i ja. Već duži period smo Vlada i ja primijetili da to utiče na Viktoriju. Imam osjećaj kao da je sazrela za šest mjeseci i počela da shvata neke stvari bolje nego mi. Jedno popodne sam sjedela sama, razmišljala i poslala bivšem mužu poruku, da ako je raspoložen, sve ostavimo po strani i da se dogovorimo o onome što je u interesu Viktorije, dobila sam poruku koja je bila pozitivna – započela je Slavica.

– Poslije godinu dana takozvanog pakla i naš prvi susret je morao da ima posrednika, kada smo se našli, riješili smo cijeli slučaj koji smo godinu dana vodili na sudu i sa socijalnom službom. Uspjeli smo i sada nam je srce puno. Teret nam je svima pao.

– Mislim da još nisam svjesna cijelog ishoda. Jako je brzo sve došlo na svoje i kada sada on i ja prošetamo sa njom kroz grad i kada je vidimo toliko srećnu, to nema cijenu… Pitam se šta nam je trebalo sve ovo. Sigurno da je ovo neka vrsta škole, ali je bilo teško zbog djeteta – dodaje Slavica, pa otkriva šta je Viktorija dobila od tate na poklon za rođendan.

– Viktorija je na poklon od tate dobila stan. U blizini je njene škole, pa smo odlučili da se odmah nas dvije preselimo tamo. On nikad nije bio loš tata. Kada dvije osobe zakrve, mora da se spusti lopta, treba biti pametan. Mislim da sam odigrala jako dobro. Da je neki baksuz, tjerao bi svoje, ali eto jedan lijep početak ljeta i divno razdoblje za naše dijete. Svakoga bih posavjetovala da spusti ego. U ovom slučaju smo oboje ispali ljudi. Pravi je ženski stan, za dvije dame. Oboje smo se uključili, a ja sam Viktoriji prepustila sve ideje, da bi što prije osjetila da joj je to novi dom. Nema cijenu kada roditelj vidi srećno dijete.

– Nadam se da se neće više taj ego ni kod koga probuditi. Sve sada mora biti u granicama normale, pažljivo i sa poštovanjem, njega vjerovatno nismo imali dovoljno. On sada svakodnevno dolazi i viđa je, što je i ranije radio, ali sada više, uzima je, smijemo se zajedno sa njom i pred njom. Kada čovjek odluči da neke stvari ostavi iza sebe, moguće je – govori Slavica.