Supruga Šona Konerija opisala njegove posljednje trenutke: Bila sam uz njega i samo je kliznuo u san
01.11.2020. | 17:49Nakon smti legendarnog glumca Šona Konerija njegova supruga Mišelin, s kojom je bio u braku 45 godina, progovorila je o njegovim posljednjim trenucima navodeći da je umro u miru i da je bio divan čovjek, uzor za muškarce.
“Takav život nije bio za njega. Nije se mogao izražavati u posljednje vrijeme. Barem je umro u snu, bilo je jako mirno. Bila sam uz njega sve vrijeme i samo je kliznuo u san. Tako je i želio da bude”, rekla je ona za Dejli mejl.
Ona je objasnila da je imao demenciju i to je uzelo svoj danak.
“Ispunila mu se njegova poslednja želja, da umre bez velike buke”, otkrila je Mišelin, prenosi Index.
O svom suprugu imala je samo riječi hvale.
“Bio je prekrasan i proveli smo divan život zajedno. Bio je uzor za muškarce. Biće mi jako teško bez njega, svjesna sam toga, ali nije moglo trajati zauvijek, a on je otišao u miru”, dodala je.
Šon i Mišelin upoznali su se davne 1970., a pet godina kasnije su se i vjenčali. U braku su bili 45 godina. Koneri je do smrti bio zaljubljen u svoju suprugu.
“Mišelin je nevjerovatna žena. Ona je ljubav mog života”, rekao je u jednom intervjuu.
