Beograđani se opraštaju od Mateja Periša: Otac unio sanduk sa tijelom sina u crkvu

20.05.2022. | 15:36

U crkvi Sv. Ante u Bregalničkoj ulici u Beogradu gdje uskoro bi trebalo da bude izložen kovčeg Mateja Periša, čije tijelo je nađeno u srijedu oko 9.20 sati Dunavu kod Ade huje u Beogradu.

Kovčeg će biti izložen u crkvi od 15 do 17 sati kako bi svi koji žele poslali posljednji pozdrav Splićaninu za kojim se tragalo 139 dana.

Nenad Periš je najavio da će se obratiti novinarima nakon završetka mise.

U dvorište crkve Sv. Ante polako pristižu građani koji su došli da se oproste od njega.

“Jadno dijete, žao mi je što je ovako završio. Došla sam kako bi se oprostila od njega”, kaže jedna Beograđanka, dok druga dodaje da je red da se isprati mladić nad čijom sudbinom su strepeli toliko vremena.

Ispred su se okupili i novinari, koji su izjavili saučešće Nenadu koji im se zahvalio i ušao u crkvene prostorije u Bregalničkoj ulici u Beogradu.

Nenad Periš je unio sanduk sa tijelom sina u crvkene prostorije. Došao je i ambasador Hrvatske.