Policija u akciji nakon anonimne dojave: Zaplijenjeno više od 11 kilograma marihuane

04.10.2021. | 16:33

Kosovska policijska služba /KPS/ u Prizrenu je uhapsila Albanca kod kojeg je pronađeno 11 kilograma i 100 grama marihuane.

Akcija je sprovedena juče poslije anonimne dojave, saopšteno je iz KPS-a.

U kući osumnjičenog, čiji su inicijali S.T. pronađeni su i zaplijenjeni sačmarica sa 15 metaka i pištolj bez metaka.

Zaplijenjen je i automobil marke “pasat” i dva mobilna telefona.

Policija je navela da je S.T. imao zasad marihuane u dvorištu kuće i na jednoj parceli u blizini rijeke Bijeli Drim.

Osumnjičenom je određeno policijsko zadržavanje od 48 sati, a predmet je ustupljen nadležnom tužiocu.