Skupština izabrala novu Vladu Srbije: Ana Brnabić ponovo na čelu

28.10.2020. | 20:20

Poslanici Narodne skupštine Srbije večeras su sa 227 glasova za i pet protiv izabrali novu Vladu Srbije, a novoimenovani ministri i novi -stari premijer Ana Brnabić odmah nakon glasanja položili su zakletvu.

Nova Vlada Srbije ima predsjednika i 23 ministra, od kojih dva bez portfelja.

Za Vladu su poslanici pojedinačno javno glasali.

Brnabićeva je nakon rasprave zahvalila svima i obećala da će se već u prvih 100 dana rada Vlade vidjeti konkretni rezultati, “iako to mnogi ne očekuju”.

Ona je najavila da će već sutra ujutru u osam časova Vlada održati prvu sjednicu.

Brnabićeva je navela da će nova Vlada, osim što će biti Vlada kontinuiteta, biti i jedinstven tim sa predsjednikom Srbije Aleksandrom Vučićem, dodajući da je to “donijelo mnogo dobrog zemlji i građanima i u proteklom periodu”.