Svaki dan nove dojave: Periša tražili u napuštenim vagonima u Beogradu

24.02.2022. | 10:40

Matej Periš, mladić iz Splita, nestao je prije više od mjesec dana, a MUP javnosti još uvijek nije saopštio nijedan konkretan trag, gdje bi nestali mladić mogao da se nalazi. Nedavno su se pojavile informacije kako je mladić viđen u Novom Sadu, kao i kod napuštenih vagona kod Savske ulice u Beogradu. Ipak, iako su dobrovoljci išli da provjere svaku dojavu, nisu dobili nijednu provjerenu informaciju koja bi dovela do novog traga.

Mediji su juče, podsjetimo, prenijeli nepotvrđene informacije da policija provjerava dve dojave građana da je nestali Splićanin viđen. Jedan stariji Novosađanin je navodno javio da je primjetio osobu koja liči na Mateja, a policija je odmah počela da provjerava informaciju.

Naime, na grupama koje su posvećene nestalom mladiću iz Splita, često se pojavljuju nove dojave, kako je osoba koja sliči Perišu viđena na određenoj lokaciji.Ubrzo nakon toga, dobrovoljci samostalno provjeravaju ovakve tvrdnje.

Građani okupljeni oko stranice „Pravda za Mateja Periša“ su međutim i samoinicijativno krenuli u potragu kako bi provjerili informacije da je Matej Periš primjećen kod napuštenih željezničkih vagona ukod Savske ulice u Beogradu.

“Na slici vidite napuštene vagone, radi se uglavnom o vagonima koji su na remontu i nema ih puno. Nažalost, osoba koja sliči Mateju nije viđena tamo! Obavili smo detaljne razgovore sa skretničarem koji nas je upoznao s parom (mladić i devojka) koji žive u jednom vagonu već godinu dana. Oni znaju apsolutno svako lice koje tamo boravi ili prenoći. Sada su vagoni prazni, ali naveče dolaze prespavati beskućnici, uglavnom. Pokazali smo im slike Mateja (jer nisu baš upućeni u zbivanja), sliku s osmjehom i zamolili da obrate pažnju na razmak među zubima, plavu kosu i oči, te visinu. Ako Matej i jest slučajno bio tamo, možda je prespavao noc, dve i produžio dalje. Ali i skretničar i ovo dvoje mladih ljudi sasvim sigurno bi ga primetili”, objavljeno je na Fejsbuk grupi posvećenoj potrazi za Perišem.

Takođe, oni su naveli da žuti vagon, koji je izvjesna devojka spominjala, više ne postoji. Već na slici vidite žutu lokomotivu, a ne napušteni vagon, prenosi Nova.

“Kažu da je nekada bio žuti napušteni vagon, ali ga više nema. Možda je bio tamo kada je dotična djevojka šetala sa psom. Svakako, hvala toj djevojci na dojavi”, napisali su u objavi.

Podsjetimo, za nestalim Splićaninom se traga više od mjesec dana, nakon što je posljednji put viđen u uoči Nove godine u klubu “Gotik”. Mladić je sa društvom došao u Beograd, kako bi se proveo.