Zvonimir Šostar: “U Zagrebu danas puno manje novih slučajeva, ni meni to nije jasno”
27.10.2020. | 09:58Šef Zavoda Andrija Štampar Zvonimir Šostar kaže da će broj novozaraženih u Zagrebu danas biti upola manji nego juče.
“Brojka oboljelih danas će biti mnogo manja nego što je bila juče, praktično prepolovljena. Ni meni to nije jasno – nije stvar u testiranjima, mi smo juče obavili 1240 testiranja i prešli smo 90.000 testiranih u NZJZ. Brojke padaju, očito su se počeli polako, ali sigurno sugrađani pridržavati mjera”, rekao je za HRT Zvonimir Šostar direktor Nastavnog Zavoda za javno zdravstvo “Andrija Štampar”.
Na pitanje idemo li prema vrhuncu, rekao je kako je sada to vrlo teško prognozirati jer svi relevantni faktori i vrhunski naučnici prognoziraju da bi vrhunac mogao biti u drugoj polovici novembra.
“Vidjećemo. Situacija je ozbiljna i moramo se ozbiljno pridržavati mjera. Kada sve skupa gledamo, čekamo što će država ili grad učiniti za nas. Do kraja nedjelje ćemo pokrenuti kampanju da vidimo što stanovnici Zagreba mogu učiniti sami za sebe”, rekao je Šostar, prenosi N1.
Promovisaće, pojasnio je, boravak u prirodi, zdravu prehranu za podizanje imuniteta koja će biti dostupna svima – nutricionisti već rade na tome, a na webu će se to zvati “imuno-kuhinja”. Šostar kaže i kako sami trebamo raditi na sebi, ne samo čekati hoće li nas virus zahvatiti. Po tjelesnoj aktivnosti smo na samom začelju EU-a i ljude žele izvijesti van, rekao je. Minimalno koristimo, dodao je, prirodne resurse u gradu Zagrebu.
