Kirjos bjesnio i odbio da igra: Dovoljno sam novca izgubio zbog ovakvih kikirikija VIDEO

03.02.2021. | 12:43

Nik Kirjos nije mogao bez skandala ni na domaćem terenu, na pripremnom turniru koji se igra u Melburnu.

Kontroverzni Australijanac je savladao sunarodnika Harija Burčera sa 2:0 (6:2, 7:6), ali je u jednom momentu morao da spasava tri set lopte.

U finišu drugog seta je isticalo 25 sekundi predviđenih za servis kada je Kirjos taman centrirao, a sudija mu uputio upozorenje.

To ga je toliko razbjesnilo, da je sjeo na klupu i nije želio da nastavi meč.

Nick Kyrgios refusing to play due to the time violation he got served…#AusOpen pic.twitter.com/HZqnsrX5HO

— The Tennis Nerds Blog (@TennisNerdsBlog) February 3, 2021

“Neću da igram. On je samo statista. Dovoljno sam novca izgubio zbog ovakvih kikirikija!”, ljut je bio Kirjos. Na teren je sišao i supervizor duela, te je poslije nekoliko minuta ubjeđivanja uspio da ga nagovori da nastavi meč.

U sljedećoj rundi Kirjos će igrati protiv 4. nosioca Borne Ćorića iz Hrvatske, piše B92.net.