Srušio Bajern, pa dobio nagradu: Larkin MVP kola Evrolige

15.03.2025. | 17:14

Košarkaš Efesa Šejn Larkin proglašen je za najkorisnijeg (MVP) igrača 29. kola Evrolige.

Amerikanac sa turskim pasošem je predvodio Efes ka pobjedi nad Bajernom u Minhenu rezultatom 97:92.

Kapiten turskog kluba je imao indeks korisnosti 33, a do njega je stigao postizanjem 25 poena (4/6 dvojke, 4/8 trojke, 5/5 slobodna bacanja), uz po četiri skoka i asistencije i tri ukradene lopte.

Larkin je ove sezone prvi put proglašen za MVP-ja.

– U osnovi smo trenutno u plej-of modu. Znamo da moramo da pobijedimo svakoga da bi mogli da stignemo do tog plej-ofa. Sa takvim stavom pristupamo svakoj utakmici“ – rekao je Larkin poslije pobjede nad Bajernom, prenosi Sport Klub.