Velike promjene i bolni rezovi: KK Partizan potvrdio još jedan odlazak

21.06.2024. | 14:44

Ovo je ljeto velikih promjena i bolnih rezova u Partizan Mozzart Betu.

Nakon neuspješne sezone na svim frontovima, donijeta je odluka da se tim rekonstruiše i da klub napuste nosioci igre. Poslije kapiten Kevina Pantera, danas je Partizan Mozzart Bet zvanično napustio i drugi lider ekipe Zek Ledej.

“Poslije tri sezone u crno-bijelom, Zek Ledej ovog leta odlazi iz KK Partizan. Čovjek koji je ostavio veliki trag i postao miljenik navijača Partizana, postigao je sa klubom sporazum na osnovu kojeg će im se putevi razići. Baš kao i Kevin kapiten, Zek Ledej ostaje zauvijek dio crno-bijele porodice!”, navodi se u Partizanovoj poruci na društvenim mrežama.

Ledej se vraća u Olimpiju iz Milana iz koje je u leto 2021. i došao u Partizan. Sa italijanskim klubom će potpisati dvogodišnji ugovor.

Podsjetimo, Partizan cu ovog ljeta pored Pantera i Ledeja već napustili Pi Džej Doužer, Frenk Kaminski, Savo Drezgić i Đorđije Jovanović kojima su istekli ugovori. Od pojačanja su zvanično stigli Vanja Marinković, Frenk Ntilikina i Ife Lundberg. Pod ugovorima su još i Aleksa Avramović, Balša Koprivica i Bruno Kaboklo, a vidićemo kakva sudbina čeka Danila Anđušića, Mateuša Ponitku i Uroša.