Dobila “paprenu” kaznu: Golišava turistkinja protjerana iz Venecije
27.01.2022. | 18:12Tridesetogodišnja turistkinja iz Češke izbačena je iz Venecije nakon što je uhvaćena kako pozira u toplesu na ratnom spomeniku.
Ovaj incident se dogodio prošlog petka, kada je žena skinula odjeću, a potom legla pored kipa i pozirala za fotografiju.
Zbog ovog postupka je kažnjena novčanom kaznom od 450 evra i zabranjen joj je ulaz u Veneciju 48 sati.
Spomenuti kip, bronzana statuta, posvećen je ženama koje su svoje živote dale u borbi za slobodu. Smješten je u blizini vrtova Bijenale i jedan je od rijetkih kipova posvećen ženama u Italiji.
Mario Nason, stanovnik Venecije je šetao sa sinom kada je vidio ženu sa prijateljima kod spomenika.
“Bio je predivan dan i vidjeli smo dvoje ljudi kako se fotografišu. Onda sam uočio ženu koja pliva. Mislio sam da nije normalno što pliva, a leden je dan. A onda sam vidio da izlazi iz vode i penje se na kip, noseći samo donji dio bikinija”, rekao je on.
“Popela se na kip, a onda se vratila u vodu, potpuno opuštena. Njen dečko i još jedna žena preskočili su barijeru i bili na spomeniku kako bi je bolje fotografisali. Stajali su pored odjeće koju je ona ostavila na spomeniku, baš kao što to činite na plaži”, dodaje mještanin.
