Hladnjača smrti: Dva muškarca proglašena krivim za ubistvo 39 ljudi

21.12.2020. | 15:41

Sud u Londonu danas je proglasio krivima dvojicu muškaraca zbog ubistva 39 muškaraca, žena i djece iz Vijetnama.

Dvojica vozača takođe su proglašeni krivim u sudu Old Bejli za zavjeru za prevoz vijetnamskih migranata iz sjeverne Francuske u Britaniju. Presude su donijete na kraju suđenja koje je prvi put razotkrilo složenu i unosnu operaciju koja je godinama ilegalno uvodila Vijetnamce u Veliku Britaniju.

Vijetnamci su pronađeni ugušeni u zadnjem dijelu kamiona-kontejnera u oktobru prošle godine kod Londona, javila je PA Media, prenio je Rojters.

Njihova smrt je šokirala Britaniju i Vijetnam u svjetlu ilegalne globalne trgovine ljudi u okviru koje siromašni iz Azije, Afrike i sa Bliskog istoka odlaze na opasna putovanja na Zapad.

Sve žrtve iz kamiona hladnjače su Vijetnamci, koji su pronađeni 23. oktobra u zadnjem dijelu kamiona u industrijskom parku u engleskom gradu Grejzu.