I pod novom Vladom: Njemačka ostaje dio nuklearnog sporazuma sa NATO

24.11.2021. | 20:48

Njemačka će i pod novom Vladom ostati dio NATO sporazuma o dijeljenju nuklearne energije, prema koalicionom sporazumu koji je dogovoren danas.

Njemačka ne posjeduje nuklearno oružje, ali ima američke nuklearne bombe u borbenim avionima tipa “tornado.

Nije bilo jasno kako će nova vlada riješiti ovo pitanje, pošto se neki poslanici u novoj koaliciji protive učešću Berlina u sporazumu o podjeli nuklearne energije.

Koalicioni sporazum je podržao ispunjavanje obaveza Njemačke prema NATO.

“Sve dok nuklearno oružje igra ulogu u strateškom konceptu NATO, Njemačka ima interes da učestvuje u strateškim diskusijama i procesima planiranja”, navodi se u dokumentu, pozivajući se na članstvo Berlina u NATO Grupi za nuklearno planiranje.

Cilj nove koalcije, takođe, je usmjerena prema tome da zamijeni stari borbeni avion “tornado” njemačkog vazduhoplovstva, jedini avion Bundesvera koji može da nosi američke nuklearne bombe.

Njemačke vazduhoplovne snage imaju ove avione od osamedestih godina. Ministarstvo odbrane planira da ga postepeno ukine između 2025. i 2030. godine jer je skupo za održavanje i teško je pronaći rezervne dijelove.

Vlada Angele Merkel namjeravala je da kupi “F-18” koje je napravio “boing” kao zamjenu, ali je odluka odložena za 2022. godinu.

Generalni sekretar NATO Jens Stoltenberg rekao je prošle nedjelje da bi američko nuklearno oružje moglo biti pomjereno dalje na istok ako Njemačka odustane od sporazuma o podjeli nuklearnog oružja – potez koji bi razbjesnio Rusiju.

Koalicioni sporazum je, takođe, uključivao sporazum o naoružavanju sljedeće generacije njemačkih vojnih dronova. Neki socijaldemokrati su se ranije protivili tome.

Haotična evakuacija iz Avganistana u avgustu biće predmet parlamentarne istrage, prema dogovoru koalicije.