Kraj saradnje: Zatvoren konzulat Finske u Sankt Peterburgu

27.09.2023. | 20:05

Konzulat Finske u Sankt Peterburgu zatvoren je danas nakon što je Rusija ranije najavila njegovo zatvaranje.

Korisnički servis u konzulatu već je bio ukinut početkom mjeseca, prenosi finski javni servis YLE.

“Kraj jedne ere. Ponosna sam na naš tim i obavljeni posao”, navela je konzul Sanamarija Vanamo na društvenoj mreži Iks (Tviter). Finska je početkom juna obavijestila Rusiju da će protjerati devet ruskih “špijuna” iz svoje zemlje jer su oni, kako su navele finske vlasti, prekršili Bečku konvenciju koja reguliše diplomatske odnose.

Kao odgovor na to, rusko ministarstvo spoljnih poslova je protjeralo devetoro finskih diplomata i najavilo zatvaranje finskog konzulata u Sankt Peterburgu do početka oktobra.