Muškarca ubili žena i sinovi, odsekli mu nogu, tijelo bacili niz liticu

20.08.2022. | 10:54

U italijanskom gradu Đifoni Vale Pjana, žena i njena dva sina, od kojih je jedan maloljetan, uhapšeni su zbog sumnje da su počinili teško ubistvo. Kako je objavila policija, ubijen je Ciro Palmieri, suprug osumnjičene i otac dvojice dječaka.

Ubistvu je prethodila svađa usljed koje su Monika Milite i njeni sinovi nožem izboli muškarca, a zatim su mu nakon smrti odsjekli nogu, objavili su istražitelji, piše TgCom24. Sve se dogodilo pred očima trećeg djeteta, starog 11 godina.

Tijelo su zatim bacili niz liticu na lokalitetu u gradu, odakle je kasnije izvučeno uz pomoć speleologa, prenosi Index.hr.

Policija vratila izbrisane snimke

Inspektori su došli u posed videonadzornih kamera koje su snimile ubistvo. Snimke koje su nastale tog dana bile su izbrisane, ali ih je policija uspjela vratiti.

Ciro Palmieri, koji je radio kao pekar, vodio se kao nestala osoba od 30. jula. Nestanak je policiji prijavila njegova supruga.

Istražitelji rade na utvrđivanju uzroka žestoke svađe koja je rezultovala ubistvom.