Poprskali izlog: Poslije Van Goga, Aston Martin na meti aktivista

16.10.2022. | 17:01

Aktivisti koji se zalažu za zaštitu okoline iz grupe “Just Stop Oi” bojom su poprskali izlog zastupništva luksuznih automobila marke Aston Martin u centru Londona, u sklopu niza akcija protiv eksploatacije ugljikovodonika, koje su započeli početkom oktobra.

Dok je grupa aktivista u nedjelju ujutro blokirala promet, jedan od njih narandžastom je bojom poprskao izlog autosalona kompanije Aston Martin. Grupa “Just Stop Oil” početkom oktobra pokrenula je niz svakodnevnih akcija i blokada u glavnome britanskom gradu.

U petak su dvije aktivistkinje juhom od paradajza iz konzerve zalile Van Goghovo remek-djelo “Suncokreti” izloženo u Nacionalnoj galeriji.

Od vlade Liz Tras traže da prekine eksploataciju ugljikovodonika u zemlji. Riječ je o eksploataciji koju je premijerka odlučila ubrzati. Suočena s novim protestima iste grupe građana, vlada je odlučila ojačati ovlašćenja policije.

Novim zakonom “pojačaće se sigurnost prometnih mreža i naftnih terminala”, da bi se tako zaštitila “kapitalna nacionalna infrastruktura i pristup osnovnoj robi i uslugama”, rekla je Tras.

Nekoliko članova grupe “Just Stop Oil” osuđeno je na zatvorske kazne zbog svojih postupaka, prenosi Index.