Potonuo teretni brod: 14 članova posade spaseno, za njih 8 se još uvijek traga

25.01.2023. | 10:01

Japanska i južnokorejska obalska straža tragaju za osam članova posade teretnog broda koji je noćas potonuo u Kineskom moru jugozapadno od Japana.

“Ukupno 14 članova posade je do sada spašeno”, rekao je jutros portparol japanske obalske straže.

Jedanaestoro njih nije bilo u svjesnom stanju, saopštila je južnokorejska obalska straža.

Nacionalnost spasenih članova posade nije poznata. Prevezeni su u luku Nagasaki, na jugozapadu Japana.

Đin Tijan, teretni brod registrovan u Hongkongu, izdao je SOS signal u utorak kasno uveče po japanskom vremenu.

Tri komercijalna broda koja su zatekla u blizini pritekla su u pomoć, prenosi “Independent”.