Svađa završila fatalno: Dječak gurnut na tramvaj, poginuo na licu mjesta

31.01.2025. | 21:32

Dvanaestogodišnji dječak je poginuo nakon što ga je dječak star 13 godina gurnuo na tramvaj na stanici Mak-Eit-Ze u Štutgartu, objavio je nemački “Bild”.

Incident se dogodio danas oko 12.30 časova, kada se, prema prvim informacijama, dječak posvađao sa starijim dječakom dok je stajao na stanici.

Drugi dječak ga je zatim gurnuo prema tramvaju koji se približavao, nakon čega je dvanaestogodišnjak poginuo na licu mjesta.

Brojni spasioci i forenzičari bili su angažovani u prikupljanju dokaza.

Istražitelji su potvrdili da je ubijeni dječak imao 12 godina.

Nakon nesreće, 13-godišnji napadač je, uz prisustvo majke, prebačen na Odjeljenje za zaštitu mladih, a istraga je u toku.