Zatvorene vladine institucije: Više od 700 ljudi hospitalizovano poslije pješčane oluje

13.08.2023. | 16:33

Najmanje 733 osobe su povrijeđene u pješčanoj oluji koja je zahvatila iransku provinciju Sistan-Beludžistan na jugoistoku Irana, izjavili su danas zvaničnici.

– Zbog nevremena, 733 osobe iz gradova Zabul, Zehek, Hamun, Hirmend i Nimruz, u sjevernom dijelu provincije Sistan-Beludžistan, zatražile su tokom tri dana ljekarsku pomoć u bolnicama. Među ovim osobama, 58 je hospitalizovano i liječeno – rekao je Mecid Muhibi, direktor za hitne slučajeve u provinciji Sistan-Beludžistan iranskoj agenciji IRNA.

Muhsin Hajdari, direktor Meteorološkog zavoda Sistan-Beludžistana, objasnio je da je zbog povećanog nivoa prašine u vazduhu vidljivost pala na tri kilometra u Zabulu i dva kilometra u Zeheku.

Guverner Sistan-Beludžistana saopštio je da su danas zatvorene vladine institucije i banke u gradovima Zabul, Zehek, Hamun, Hirmend i Nimruz zbog pješčane oluje.

Prošlog mjeseca, stotine ljudi hospitalizovano je u provinciji Sistan-Beludžistan zbog pješčane oluje.