Zbog narkomanije i prostitucije: Đaci u Parizu pod pratnjom policije

U razgovoru za francusku televizijsku stanicu “BFM TV”, rukovodioci ugrožene osnovne škole navode da je situacija teška za porodice učenika.

Roditelji su za list “Parizijen” govorili o “zastrašujućim uslovima”, otkrivši da su njihova djeca vidjela osobe koje se drogiraju i prostituišu.

“Djeca već znaju šta znači riječ `krek`”, navode roditelji.

Inicijativa za policijsku zaštitu mogla bi biti proširena i na druge škole, ako se glavna mjesta za prodaju droge u okrugu “presele” u ta područja.

Glavni grad Francuske ima “epidemiju” nakromanije zbog sve većeg broja korisnika “kreka”, koji žive na njegovim ulicama.

Procjenjuje se da u Francuskoj 40.000 do 44.000 ljudi redovno konzumira drogu koja izaziva zavisnost.

Kriza koja je započela osamdesetih godina prošlog vijeka donekle se ublažila u posljednjih desetak godina, a sada je ponovno izbila na površinu, kako su se sjeverna predgrađa francuske prijestonice džentrifikovala, odnosno kako je došlo do sloma autohtone građanske kulture i siromašenja.

Brojni izvještaji u francuskim medijima pokazuju da se stotine beskućnika, zavisnika od “kreka”, okupljaju u parkovima i drugim javnim prostorima na sjeveroistoku glavnog grada.