Vozači u šoku! Luksuzni automobil “obogaćen” smradom bijelog luka i prljavih čarapa

28.08.2020. | 16:10

Gotovo svako voli miris novog automobila, a toga su svjesni i proizvođači pa posebno paze da njihovi proizvodi mirišu.

Ponekad se dogode i greške, a one se doslovno nanjuše tek u eksploataciji, nakon što interijer automobila bude pritisnut uticajima okoline.

Izgleda da se upravo jedna takva greška dogodila Hjundaiju. Njihov Palisade izgleda privlačno, ali tako ne miriše.

Primijetili su to već test vozači sa “Cars.com”, a onda su odlučili malo istražiti stvari. Iznenađenje je uslijedilo kada su na forumu naišli na niz primjera koji potvrđuju postojanje problema. Naime, sve je više vlasnika koji su primijetili da se kabinom širi neugodan miris koji bi povezali s aromom bijelog luka i još neugodnijim smradom čarapa, svakako korištenih.

U Hjundaiju kažu da su svjesni problema, ali i kako još uvijek traže njegov uzrok. Za sada je utvrđeno da se neugodan miris pojavljuje na varijantama s kabinom u premium Nappa koži, a pojedini vlasnici tvrde da je problem upravo u osloncima za glavu.

Loša vijest je da se smrad počinje širiti već nakon nekoliko stotina kilometara, a s vremenom ne jenjava, prenosi Index.hr.