Ima 86 godina i još uvijek radi: Ova stjuardesa ima najduži radni staž na svijetu

06.07.2022. | 14:36

Beti Neš počela je da radi kao stjuardesa 1957. za “Eastern Airlines” i do danas je nastavila da radi u “American Airlinesu” bez ikakvih prekida u radnom odnosu, potvrdio je 1. jula Ginisov rekord.

Neš je rekla da je veći dio svoje karijere provela na relaciji Njujork – Boston – Vašington jer joj to omogućava da se noću vrati kući i brine o svom sinu invalidu.

Ginis navodi da je Naš trenutno najstarija stjuardesa na svijetu.

Slaveći 2017. godine 60. godišnjicu rada u kompaniji, Neš je rekla da se posao s godinama značajno promijenio.

“Morao si biti određene visine, morao si biti određene težine. Nekada je bilo užasno. Udebljaš se par kilograma i moraš da nastaviš da se mjeriš, a ako bi ostao takav, skidali bi ti s plate”, rekla je strjuardesa za lokalnu televiziju.