Pijan ušao u pogrešan stan, pa spavao sa komšinicom: Još dobio i batine

05.07.2023. | 09:26

Nesvakidašnji slučaj stiže iz Njemačke, tačnije sa suda u gradu Vurzburgu. Sve se odvilo u maju prošle godine, kada je jedna žena pozvala svog poznanika da nakon noćnog pijančenja prespava kod nje u stanu, a ponudila mu je i seks, piše Fenix.

– Da ovo idete prodati nekome kao scenario filma, odbili bi ga i rekli da je to nemoguće – tako je viši javni tužilac sažeo slučaj.

A priča kreće ovako, 48-godišnjak Marko otišao je da posjeti svoju 62-godišnju prijateljicu Sandru S. u Vurzburg. Prije toga je otišao u provod. Ona mu je poslala SMS: ‘Ključ ti je iznad sandučića, dođi kad poželiš’.

I došao je. S 1,8 promila alkohola u krvi. Ušao je u pogrešan stan, kod komšije. Bilo je kasno u noć i sva su svjetla bila ugašena i muškarac je na kraju otišao u krevet s drugom ženom, 33-godišnjom komšinicom.

Žena koja je u tom trenutku ležala u krevetu mislila je da joj je stigao muž i njih su dvoje spavali zajedno – on misleći da je ona njegova poznanica, a ona da je on njen muž. Grešku su uočili tek kad je muškarac ženu oslovio sa ‘Sandra’.

Stajao je go ispred mene, noćna mora

– Odmah sam ga odgurnula i upalila svjetlo. Stajao je go ispred mene. To je bila moja noćna mora – rekla je žena na sudu, piše nemački Bild. Zatim je vrisnula upomoć. Njen suprug je dojurio i pretukao čovjeka uz pomoć svojih prijatelja.

Slučaj protiv muškarca koji je spavao s krivom ženom obustavljen je na sudu u ponedjeljak i on mora platiti 2400 evra odštete iako je i on žrtva u cijeloj priči jer su ga pretukli suprug žene s kojom je spavao i njegovi prijatelji.