Rekao da ga boli stomak i ostavio ženu u restoranu: Ispostavilo se da je otišao kod prostitutke

20.08.2021. | 13:31

Žena koja je željela da ostane anonimna poslala je pismo psihoterapeutkinji i otkrila kakvo je poniženje doživjela od supruga.

“Draga Deidre, imam 55 godina i u drugom sam braku. Udala sam se prije osam godina za 58-godišnjaka i sve ove godine me je varao i lagao, ali izdaja koju sam nedavno doživjela potpuno me je slomila”, počela je svoju ispovijest anonimna žena.

Bili su na odmoru u Španijii, sjedili su na večeri, a on je u jednom trenutku rekao da ga boli stomak i da ide da u hotel kako bi legao.

“Otišao je i rekao da ja ne treba da žurim. Osjećala sam se kao idiot tako ostavljena u restoranu, ali odlučila sam da sebi priuštim laganu šetnju do hotela jer je bilo predivno veče. Stigla sam, a on je ležao i čitao knjigu”.

Sabrala je dva i dva, kako kaže, sutradan kada je prostitutka pozvala i rekla da mu je ostala kartica kod nje. Pokušao je da negira da je bio sa njom noć prije, ali nije mu uspjelo.

“Malo nakon što smo se vratili kući dobio je osip na intimnim dijelovima, vjerovatno jer nije koristio zaštitu. Među nama više nema ničega, razgovaramo samo kad treba da se dogovorimo što ćemo da jedemo. Ne mogu više ovo da izdržim…”

Psihoterapeutkinja kojoj je poslala pismo, Deidre Sanders, rekla joj je da treba da misli na sebe.

“Dala si mu bezbroj šansi, a on se i dalje ponaša neodgovorno i radi takve stvari. Teško je vratiti povjerenje kada se jednom sruši. Reci mu da ti je potrebna promjena i možete da odete na bračno savjetovanje.”