Tajna se krije u dvije osmice: Ovo je po mnogim vjerovanjima najsrećniji dan u godini

08.08.2024. | 16:16

Danas je osmi avgust, a po mnogim vjerovanjima ovaj dan se smatra najsretnijim danom u godini.

Njegova tajna krije se u dvije osmice, što prema tvrdnjama astrologa simbolizuje dvostruku sreću.

U kineskoj kulturi se veliki značaj pridaje broju osam koji se smatra posebno sretnim, ‘odražava moć, obilje i uspjeh, a budući da njegov oblik formira znak beskonačnosti, takođe ima i ezoterično značenje’.

Drugi razlog zbog kojeg se broj osam smatra sretnim je njegov savršeno simetrični oblik. Može se prerezati napola na bilo koji način, a obje polovine će biti identične jedna drugoj.

“Savršena simetrija omogućava savršenu ravnotežu. Današnja vibracija brojeva 8-8 šalje poruku obnove i traži od vas da napravite hrabar korak najprije na svom životnom putu. Ako zadržite ispravan stav u ovom trenutku, postoji potencijal za veliki uspjeh u svemu što radite”, rekla je astrolog Еjmi Zerner.

Sunce, koje vlada našom energijom i fokusom, pleše s Jupiterom, planetom čuda i sreće, napominju astrolozi. Trebali biste se osjećati kao da ste na vrhu svijeta pa uživajte u odnosima i njihovoj stabilnosti.

“Trebate iskoristiti svoje dobro raspoloženje, entuzijazam i samopouzdanje kako biste maksimalno iskoristili sreću povezanu s ovim danom. Napravite nešto važno jer vas trenutno prati velika sreća”, kazao je astrolog Kajl Tomas.

Osmi avgust poseban je jer tada Venera, planeta ljubavi i ljepote, ljubi Jupiter, planeta čuda. Zato je ovo savršen period da pronađete pravu ljubav, a ne samo ljetnu avanturu. Ako ste nekoga upoznali, širom otvorite oči i srce jer je osjećaj možda puno jači nego što vi mislite, prenosi “24sata”.