“Tretirala sam je kao dijete”: Uginula najstarija mačka na svijetu, vlasnica neutješna
04.07.2020. | 09:54Najstarija mačka na svijetu uginula je u 31. godini. Rabl je 31 godinu napunila u maju, a vlasnica Mišel Heritež ju je dobila na poklon kada je bila stara 20 godina.
“Uvijek sam je tretirala kao dijete. Nemam djecu i imala sam drugu mačku Meg, koja je uginula kada je imala 25 godina”, rekla je vlasnica.
Kako je rekla, mačka je pred kraj života prestala da jede, navodi Miror.
“Postala je veoma mršava. Otišla sam jedan dan na posao, a kad sam se vratila kući, muž mi je rekao da je Rabl otišla i da se nije vratila. Vjerujemo da je otišla da umre, kao što to mačke rade”, dodala je.
Rabl je “u ljudskim godinama” imala čak 150.
