Bez njega jesen ne može da prođe: Najbolji kesten pire
09.10.2023. | 06:55Jesen ne može da prođe, a da ne pojedete ovaj slatkiš bar jednom. Zato predlažemo vam da napravite kesten pire sa čokoladom.
Sastojci:
1 kg kestena
500 ml mlijeka
2 vanilin šećera
20 g šećera
25 ml ruma
150 ml vode
40 g kakao praha
70 g crne čokolade
Priprema:
Kesten zasjecite po sredini, da se malo otvori, pa stavite u šerpu i kuvajte dok ne krene da ključa, pa ostavite na šporetu još 20 minuta. Očistite, pa dobro izblendirajte. U drugu šerpu sipajte mlijeko, vanilin šećer, šećer i rum. Kada krene da ključa, ostavite tečnost još pet minuta, pa sipajte preko kestenja. Dobro izmiješajte i kuvajte dok se ne zgusne, uz neprestano miješanje. Prebacite u blender i lijepo izblendirajte. Pomiješajte vodu i kakao i kuvajte dok ne krene da vri, a onda dodajte čokoladu i kuvajte dok se ne istopi. Pomiješajte sa kesten pireom i lijepo sjedinite. Ohladite u frižideru.
