Brzo i efikasno: Ove prirodne metode će vam pomoći da se riješite tamnih podočnjaka
06.12.2024. | 10:43Ukoliko poslije neprospavane noći ili iz čista mira ujutru imate tamne podočnjake ili otečene krugove ispod očiju, postoje hitne prirodne metode koje možete lako i brzo da primjenite i da riješite problem. Ovo pitanje zanima gotovo sve žene na svijetu, a odgovor se krije u kupatilu i kuhinji.
Šta je uzrok tamnih krugova
Tamni i otečeni podočnjaci mogu biti posljedica nekih stanja u organizmu, pa ako vas ovaj problem proganja svakoga dana, morate da se obratite ljekaru. Koža oko očiju je četiri puta tanja nego na drugim dijelovima lica, pa tamna krv, koja nije zasićena kiseonikom, stagnira u kapilarima ispod očiju i postaje primjetna. Uzroci tamnih krugova ispod očiju mogu biti različiti od pigmentacije do naglog gubitka težine i nezdravog načina života.
Ovo su najčešći uzroci:
– hronični prekomjerni rad, nedostatak sna, stres;
– konzumiranje alkoholnih pića (dehidrira tkiva);
– dug rad na računaru;
– loša ishrana i sedentarni način života;
– nedovoljna vlaga u predjelu oko očiju;
– alergije na boje za trepavice ili kozmetiku.
Kako da hitno i prirodno uklonite tamne krugove
Ukoliko podočnjake dobijete nakon neprospavane noći, stresa i nedostatka sna, onda znamo koliko brzo možete da se riješite problema, imamo nekoliko hitnih recepata za vas:
Umivanje ledenom vodom je prva pomoć
Koristite kockice leda da biste se spasili tamnih krugova i podočnjaka. Zamrznite mineralnu vodu i čaj od kamilice, to će vam pomoći ne samo u kozmetičke svrhe, već i da se probudite.
Ohlađeni krastavac narezan na tanke krugove je najpopularniji narodni recept za uklanjanje podočnjaka.
Kesice čaja koje držite u frižideru, a onda ih stavite na podočnjake na 15-20 minuta. Idealni su zeleni i crni čaj zato što sadrže tein, on smanjuje otoke, a kamilica smiruje upalu i crvenilo.
Hladna jabuka je super rješenje za natečene oči. Ohladite je u frižideru i stavite kriške preko očiju da na 10 minuta.
Krompir može da smanji otečenost i tamne kolutove – isjecite ga na kriške i stavite na nekoliko minuta na oči, a možte ga izrendati, pa iscediti i staviti kao obloge.
Bjelance je prirodni fejslifting i koristi se kao maska za zatezanje kože. U činiji izmiksajte nekoliko bjelanaca da se stvrdnu, pa ih četkicom nanesite na podočnjake, ostavite nekoliko minuta i isperite vodom.
Hladno mlijeko je takođe dobro protiv tamih krugova. Tupfer se umoči u malo hladnog mlijeka i utapka na podočnjake, ostavite nekoliko sekundi, zatim ispere.
Bademovo ulje nanosite oko očiju ujutru i uveče ukoliko često ili uvijek imate podočnjake.
Korektor će vam pomoći da maskirate tamne krugove ispod očiju, ali obavezno se konsultujte sa prodavcem u parfimeriji kako biste pronašli savršenu nijansu.
(Sensa)
