Brz osvježavajući ručak: Hladna salata

24.06.2022. | 07:15

Tokom toplih ljetnjih dana većini ljudi posljednje što imaju na umu je da uključuju peć, barem na duže vrijeme.  Ipak, kada je obrok u pitanju važno je da osim što osvježava, brzo se priprema, drži i sitost, a ova salata je upravo takva. Makarone, za koje nije potrebno duže od  deset minuta da se skuvaju, jedina su namirnica za koju ćete na kratko morati da uključite šporet.

Sastojci:

250 g makarona

180 g kisele pavlake

100 g majoneza

1 svježa zelena paprika

100 g pilećih prsa

10 komada zelenih maslina

50 g kukuruza iz konzerve

so, biber

Priprema:

Isjeckajte papriku i ćureća prsa na jednake, sitne kockice. Masilne isijecite na polovine, a onda svaku na tri dijela. Sve stavite u jednu činiju, pa dodajte pavlaku, majonez i kukuruz šećerac, pa dobro sjedinite. Makarone skuvajte u slanoj vodi. Ohladite ih i isperite pod mlazom hladne vode, pa dodajte ostalim sastojcima. Dodajte so, biber i ostale začine prema svom ukusu i ostavite salatu da se dobro ohladi.