Dan prije škole, može i slatkiš: Za mališane čokoladni popsići

31.08.2023. | 07:00

Oni su slasni, ukusni, zvijezda svake zabave, a mališani ih jednostavno obožavaju. Zašto da ih ne obradujete dan pred početak školske godine sa čokolodanim popsijima?

Sastojci

Za popse:

200 grama mljevenog keksa

130 grama margarina

100 grama šećera u prahu

100 grama soka od pomorandže

 Za glazuru:

100 grama čokolade

100 grama crne čokolade (80+20 g)

3 kašike ulja

 Priprema:

Pomiješajte mljeveni keks, margarin i šećer u prahu, pa dobro zamijesite rukom.

Dok mijesite, postepeno dodajte sok od pomorandže.

Kad dobijete homogenu i čvrstu smjesu, pokrijte providnom folijom i stavite u frižider na sat vremena.

Potom izvadite i oblikujte kuglice, pa ih ređajte po tacni obloženoj pek-papirom.

Nakon toga otopite 20 grama crne čokolade, pa umočite štapić u to i onda ga zabodite u kuglicu. Kada u svaku utisnete štapić, vratite u frižider dok se čokolada ne stegne.

Otopite mliječnu čokoladu i ostatak crne s tri kašike ulja, pa umačite popse jedan po jedan i držite iznad šerpice dok se ocijedi višak čokolade.

Ponovo ređajte po tacni i papiru.

Po želji ih možete poprskati šarenim mrvicama.