Duplo smanjite trošak kupovine hrane u prodavnicama: Evo kako srezati račun u marketu
27.08.2024. | 09:53Kupovina namirnica je u današnje vrijeme postala skup sport, a mnogi zbog toga posežu za mjerama poput štednje.
Obrazovna radnica i majka Nikola Ričardson je na svom Jutjub kanalu podijelila savjete kojima je prepolovila svoje račune u trgovini kada kupuje hranu za svoju porodicu.
– Život je užurban! Hranim sebe i svoje dvoje djece s 45 funti (oko 53 evra) sedmično. U jednom trenutku računi u trgovini bili su oko 100 funti (oko 118 evra), pa sam skoro prepolovila naš račun za hranu – rekla je Nikola.
Planiranje obroka
Nikola je podijelila režim detaljnog planiranja obroka. Kupuje jeftinije komade mesa pa i vegetarijanske alternative poput povrća bogatog bjelančevinama. Svoje obroke važe kako ne bi došlo do pretjerane konzumacije hrane.
– Planiram sve svoje obroke, svake nedjelje. Pišem popis kako ne bih kupovala stvari koje mi ne trebaju. Ovo stvarno pomaže i kod impulsivne kupovine – navela je Nikola.
Hrana pred istekom roka trajanja
Takođe dobro planira kada kupuje hranu koja je pred istekom roka trajanja pa se na njoj nalazi žuta ili narandžasta naljepnica. Takva je hrana najčešće znatno jeftinija od one čiji je rok nešto duži.
– Ako uspijete tempirati, ‘žute naljepnice’ mogu biti stvarno dobar način uštede novca na hrani – ispričala je.
Kuvanje velikih količina
– Kuhanje u većim količinama može vam uštedjeti puno vremena, posebno kada rasporedi na poslu i život mogu biti toliko užurbani. Može biti i puno jeftinije, stvari su često jeftinije u većim količinama – rekla je. Vrijednost ovakvog načina pripreme hrane, kaže, jeste i činjenica da su to brzi obroci koji se mogu podgrijati bilo kada, prenosi Bosnainfo.
– Osim toga, imam zalihu domaćih gotovih jela u zamrzivaču tako da kad sam umorna nakon napornog dana, obroci su već tu – zaključila je Nikola.
