Jednostavno, ukusno, zdravo: Marokanska salata za doručak ili laganiji ručak

16.07.2020. | 07:30

Marokanska salata može da bude odlučan prijedlog za doručak ili savršena zamjena za ručak.

Posebno u ovim vrelim ljetnjim danima. Jednostavna je za napraviti i, što je najvažnije, zdrava.

Sastojci:

500 grama piletine bez kostiju,

300 grama majoneze,

manja glavica zelene salate,

čaša milerama,

2 kašike karija,

kašika sirćeta,

2 kašike rendanog korijena celera,

3 zelene jabuke oguljene i isječene na kocke,

2 šake sjeckanih lješnika,

so i bijeli biber po ukusu.

Priprema:

Pileće meso isjeckati na kocke, pa ispržiti na ulju. Zelenu salatu isjeckati na komadiće i staviti u veću posudu za salatu zajedno s piletinom, celerom i jabukama.
U manjoj posudi pomiješati kari, sirće, so i biber.

Dobro promiješati i preliti preko salate, pa još jednom promiješati. Ostaviti da odstoji desetak minuta. U međuvremenu pomiješati majonezu i mileram, preliti preko salate i opet dobro promiješati. Na kraju posuti sjeckanim lješnikom.