Mravi, bubašvabe i moljci to ne podnose: Napravite ovu smjesu i zauvijek se riješite insekata

12.06.2024. | 18:36

Mravi, bubašvabe i moljci, ne samo da su dosadni, već mogu da naprave štetu ako ih ne uništite na vrijeme.

Napravite sredstva za uništavanje insekata koji se najčešće pojavljuju u kući. To ćete uraditi lako, od sastojaka koje vjerovatno već imate u kući.

Skrob uništava mrave

Mravi obično dolaze u kuću u potrazi za hranom. Zato ih najčešće ima u kuhinji. Razmutite kukuruzni skrob u vodi i poprskajte putanju kojom se kreću, ali i sve mrave koje vidite. Drugi način je da ih prvo usisate, pa da stavite isjeckanu koru pomorandže ili limuna na mjesta kuda su išli. Mravi ne podnose miris citrusa, pa će se držati dalje od vaše kuće.

Kedar tjera moljce

Male napasti koje mogu da se nasele u ormarima, namještaju i kuhinji, otjeraćete ako poprskate ta mjesta vodom u koju ste sipali nekoliko kapi etarskog ulja kedra. Moljci ne podnose njegov miris. Kada vratite stvari, stavite platnene kesice koje ste napunili mješavinom usitnjenih suvih začina (lovor, majčina dušica, lavanda i karanfilić).

Mješavina protiv bubašvaba

Pomiješajte iste količine šećera i sode bikarbone i pospite po mjestima gdje ste primjetili bubašvabe. Šećer ih privlači, pa će pojesti tu mješavinu, a onda će ih soda bikarbona uništiti. Bubašvabe ne podnose miris limuna pa kada brišete podove, iscijedite u vodu jedan limun radi prevencije – neće vam ulaziti u kuću više, piše Najžena.