Neće omašiti čak ni početnici: Vaš današnji meni “obogatite” punjenim tikvicama

19.12.2020. | 07:15

Za današnji ručak napravite punjene tikvice.

6 – 8 tikvica

2 glavice crvenog luka

1/2 kg mljevenog mesa

3 čena bijelog luka

1 jaje

1 šoljica kuvane riže

Za bešamel:

1 i 1/2 kašika brašna, malo ulja

1/2 l mleka

5 čaša kiselog mlijeka

malo mirođije

začini (so, biber, vegeta)

150 g gaude

Priprema

Mljeveno meso propržiti s crvenim lukom i začiniti. Kad se prohladi, dodati kuvanu rižu, bijeli luk i jaje.

Tikvice oguliti (ako su mlade, samo ih dobro oprati i ostaviti sa korom) i izdubiti im sredinu.

Blago posoliti svaku tikvicu, pa ih puniti filom.

Napraviti bešamel sos (na malo ulja propržiti brašno, ali paziti da ne potamni, pa naliti mlijeko, i ostaviti da provri). Začiniti po ukusu i kuvati ga pet minuta, pa ostaviti da se prohladi.

Tikvice složiti u vatrostalnu posudu, pa ih preliti bešamel sosom. Između tikvica, u sos dodati malo sredine tikvica, koja je ostala kad smo ih izdubili. Posuti mirođijom.

Gaudu (ili neki drugi sir) izrendati, pa posuti preko tikvica. Staviti u rernu i zapeći na oko 180 stepeni, oko 30 minuta. Servirati s kiselim mlijekom.