Šambali će vas momentalno teleportovati u Tursku

16.04.2022. | 07:15

Kao mnogi drugi turski kolači, i ovaj se preliva šerbetom.

U turskoj gastronomiji postoji čitav niz sjajnih kolača, a jedan od njih je i šambali. Ovo je naziv za tradicionalni kolač u kojem nema ni jaja ni brašna, a njegova osnova je smjesa koja se pravi od griza, mlijeka i šećera. Kao i mnogi drugi turski kolači, i ovaj se preliva šerbetom.

Sastojci:

• 200 g šećera
• 250 ml mlijeka
• 400 g pšeničnog griza
• ½ kafene kašičice praška za pecivo

Za šerbet:

• 200 g šećera
• 250 ml vode
• 3 velike kašike limunovog soka

Dodatno:

• 100 g cijelih oljušćenih badema za ukras
• maslac za premazivanje kalupa

Priprema:

Sve sastojke za kolač stavite u jednu posudu i sjedinite varjačom ili mikserom. Uzmite kalup po želji, premažite ga maslacem i sipajte smjesu u njega. Poravnajte sve špatulom, zatim pokrijte kuhinjskom krpom ili folijom i pustite da stoji minimalno sat vremena dok griz ne upije mlijeko.

U međuvremenu pripremite šerbet. U šerpu za kuvanje stavite šećer i vodu. Na srednje jakoj vatri miješajte sve dok se šećer ne otopi i zatim dodajte limun. Nakon što sirup provri, kuvajte ga još pet minuta, a nakon toga maknite s vatre i pustite da se ohladi na sobnoj temperaturi.

Nakon što je smjesa za kolač odstojala barem sat vremena, prije pečenja je izrežite kao što se režu baklave, na kvadrate, pravougaonike, rombove… Zatim na svaki izrezani dio lagano utisnite jedan badem.

Stavite u zagreanu rernu na 180 stepeni i pecite oko 45 minuta. Čim kolač izvadite iz rerne prelijte ga šerbetom i pustite da se ohladi.