Sijaće kao nova: Očistite glavu tuša uz pomoć dva sastojka

31.08.2022. | 13:39

Većina domaćica kada čisti kupatilo, prvo kreće od lavaboa, WC-šolje i tuš-kabine.

Kada je sve blistavo čisto, većina misli da je završila posao, ali to uglavnom nije tako.

Naime, glava tuša je dio koji većina ljudi zaboravi da očisti.

Glava tuša se zbog česte upotrebe može začepiti nagomilanim naslagama tokom višegodišnjeg protoka vode kroz nju, pa čak i razviti buđ ili bakterije.

Stoga je vrijeme da se pozabavite time i dobro sve očistite u nekoliko koraka, prenosi Telegraf.

Obrišite što više suvog kamenca oko rupica i iz njih na glavi tuša, koristeći se spužvicom.

Zatim, u posudi pomiješajte vodu i alkoholno sirće u razmjeru 1:1. Promiješajte, pa sipajte dvije kesice sode bikarbone.

Tečnost koju ste dobili sipajte u plastičnu kesu i vežite je oko glave tuša. Ostavite tako najmanje sat vremena.

Skinite vrećicu i obrišite rastopljene naslage. Pustite vruću vodu na tuš i ostavite tako nekoliko minuta da voda istjera kamenac koji se nakupio u rupicama.