Spremno dok “trepneš”: Zdrave, a slasne čokoladice

15.09.2023. | 07:00

Potrebna su vam samo  četiri sastojka i čokoladice će za 15 minuta biti poslužene na vašem stolu. Sjajan je recept za iznenadne goste, ali i ukoliko želite svojoj porodici da poslužite nešto slatko, originalno, a zdravo.

Sastojci:

150 g urmi

150 g crne čokolade

150 g pirinčanih galeta

80 g meda

 Priprema:

Urme ubacite u vrelu vodu da odstoje oko 30 minuta. Nakon toga očistite urme od koštica i kožice, pa ih stavite u blender i dodajte med. Mutite u blenderu dok ne dobijete jedinstven krem.

Uzmite pirinčane galete i prstima iscjepkajte na sitne komadiće, pa pomiješajte sa smjesom od urmi da se sjedinii. Od dobijene smjese pravite oblik čokoladica ili kuglice. Poređajte na papir za pečenje. Istopite čokoladu pa dok je još vruća prelijte po čokoladicama. Poslužite kada se čokolada stegne.