Ukusno i kremasto: Piletina u toskana sosu VIDEO

31.12.2021. | 07:15

Ukoliko volite italijanske recepte, piletina u kremastom toskana sosu sigurno će biti vaše omiljeno jelo.

Sastojci:

• 4 pileća filea
• 1 veliko jaje
• 3 kašike brašna
• So, biber
• Sušeni origano i majčina dušica
• Ljuta paprika
• Maslinovo ulje
• Glavica crnog luka
• 2 čena bijelog luka
• 160 grama sušenog paradajza
• 1 crvena paprika
• 1 kašika koncentrata paradajza
• 90 mililitara bijelog vina
• 240 mililitara pileće supe
• 90 mililitara pavlake za kuvanje
• 90 grama špinata

Priprema:

Umutite jaje, a brašno pomiješajte sa začinima. Meso izlupajte i uvaljajte najprije u jaja, pa u brašno. Ispržite ga u tiganju pa prebacite u rernu, gdje bi trebalo da se peče još deset minuta dok vi pripremate sos.

Propržite sjeckani crni i bijeli luk, pa dodajte još origana i majčine dušice i ljute paprike. Promiješajte pa ubacite sjeckani sušeni paradajz, kao i papriku isječenu na tračice. Dodajte koncentrat paradajza, krčkajte dva minuta pa zalijte bijelim vinom. Ako ovaj recept pripremate za cijelu porodicu, zbog djece “preskočite” bijelo vino.

Potom sosu dodajte supu, začinite solju i biberom, dodajte pavlaku i krčkajte još par minuta. Pred sam kraj ubacite spanać, vratite piletinu u posudu i servirajte posuto peršunom i parmezanom.

Opširnije u video-prilogu: