Vrijeme je za nedjeljni ručak: Sočne krmenadle

30.10.2022. | 07:15

Jako meke, u finom sosu a priprema veoma jednostavna i brza.

Sastojci:

1 kg krmenadli

2 kašike svinjske masti

1 glavica crnog luka

4 čena bijelog luka

4 dl vrele vode

1 dl bijelog vina

oko 80 g brašna

so, biber, slatka paprika, dimljena paprika, lovorov list

Priprema:

Krmenadlama odstranite kosti, operite ih, posušite ubrusom, istanjite čekićem, posolite i pobiberite. Zatim ih uvaljajte u brašno i kratko pržite u tavi na zagrijanoj masti, tek da dobiju rumenu boju. Kada se isprže slažite ih u podmazanu vatrostalnu posudu.

Preko krmenadli stavite nekoliko lovorovih listova. Na istoj masnoći na kojoj su se pržile krmenadle propržite isjeckan crni luk, zatim dodajte isjeckan bijeli luk i ostatak brašna.

U vreloj vodi razmutite kašičicu soli, pola kašičice bibera, kašiku slatke paprike i malo dimljene paprike i time prelijte luk i brašno u tiganju pa ostavite da provri. Prelijte krmenadle sosom iz tave, da ih potpuno prekrije sos. Zalijte ih vinom. Poklopiti vatrostalnu posudu i pecite u rerni oko 35 minuta na 180 stepeni, zatim skinite poklopac i pecite još deset minuta.