Životne navike koje utiču na zadržavanje vode u organizmu

14.05.2022. | 08:47

Zadržavanje vode, odnosno zadržavanje tečnosti, odnosi se na prekomjerno nakupljanje tečnosti u tjelesnim tkivima ili šupljinama u tijelu.

Našem tijelu je potrebna voda kako bi funkcionisalo, ali nekad je tijelo može zadržati u prekomjernim količinama što se manifestuje fizički i to tako da tijelo izgleda abnormalno natečeno.

U većini slučajeva, kratkotrajno zadržavanje vode ne predstavlja ozbiljan problem, niti izaziva ozbiljne zdravstvene probleme. Međutim, dugoročno zadržavanje vode može da dovede do raznih problema, prenosi Zadovoljna.hr.

Ishrana

Natrijum, odnosno kuhinjska so, je osnovni nutrijent koji služi za niz važnih tjelesnih funkcija, ali potrebne su nam samo male količine.

Često hrana koju jedemo sadrži prekomjernu količinu soli, što prouzrokuje zadržavanje tečnosti u organizmu i povećanje tjelesne težine.

Način života

Neaktivni način života takođe može da prouzrokovati zadržavanje vode, što može da dovede do pojave fizičkih simptoma, uključujući natečene zglobove i noge.

Lijekovi

Mnogi lijekovi na recept navode zadržavanje vode kao nuspojavu. Tu spadaju antidepresivi, beta-blokatori, lijekove za krvni pritisak, lijekovi za hemoterapiju ka i nesteroidni protivupalni lijekovi koji se uzimaju bez recepta. Najčešći nesteroidni protivupalni lijekovi su aspirin, ibuprofen i naproksen.

Hormoni

Vrlo je uobičajeno da žene tokom perimenopauze i menopauze osjte izrazitu nadutost što je često nusprodukt zadržavanja vode, crijevnih gasova i smanjene proizvodnje žuči ili kombinacije to troje.

Do zadržavanja vode može doći kada je nivo estrogena previsok ili kada je nivo progesterona prenizak. Hormonska neravnoteža je razlog zašto se zadržavanje tečnosti javlja veoma često tokom predmenstrualne faze.

Problemi sa srcem

Zadržavanje tečnosti prouzrokovano problemima sa srcem može da se javi u obliku naticanja nogu i trbuha. Ali, ne bi trebalo paničiti i zaključivati unaprijed već je važno da se obratite ljekaru za detaljnije preglede.

Uobičajeni simptomi srčanog zastoja uključuju vrtoglavicu, umor, ubrzan rad srca, slabost i otežano disanje.